First Timer

This is my first time to blog. Hindi ko alam pero excited ako. 1:35 na ng umaga, hindi pa ako natutulog dahil gusto kong subukang magblog. Actually, hindi ako marunong. Hindi ko alm kung ano ba ang itsura ng isang blog, kung anu ba ang nilalaman nito. Sabi ko nga sa "About Me" ko, hindi ako natural writer. 'Ni wala nga akong idea sa ginagawa ko ngayon. 

Mahilig ako magsulat. Sinusulat ko kung ano ang nangyari sa akin sa buong araw. Nagsusulat din ako kapag may mga bagay akong gustong sabihin at walang sinuman ang pwedeng makinig. Dahil first time ko, ipapakilala ko na lang kung sino ako.

Ako si KCIRYM. Hindi ko tunay na pangalan. Pero yan ang pangalan ko sa lahat ng nilalaro ko, mapaonline man o closed beta games. Isa akong babae. 21 years old na ako. Magtwe-22 na sa June. May asawa na ako pero wala pa kaming baby (although gusto na namin pero we chose not to have one kasi sa palagay namin hindi pa kami prepared). Masaya ako sa buhay may asawa. Mahilig ako maglayout pero hindi maireflect ng  page ko dahil wala akong photoshop dito. Natakot ako magdala ng pirated na installer dahil baka mahold pa  ako sa airport. Play safe ba. 

Isa akong propesyonal. Isang taon na ang nakalipas mula nang grumaduate ako at kalahating taon na ang lumipas mula nang maipasa ko ang board exam. Isa akong CPA (Chicken-Pork Adobo este Certified Public Accountant) sa minamahal kong bansang Pilipinas. Hindi biro 'yung board exam pero kinaya naman.  Aminin ko man o hindi namimiss ko ang mag-aral. Namimiss kong gamitin ang utak ko. Medyo nakatengga na kasi. Isa akong taong may pangarap na sana matupad na sa lalong madaling panahon. Malapit na ko sa goal ko pero hindi talaga mawawala ang mga hindrances. Konting tiyaga pa at mararating din kita. Lahat naman nadadaan sa pagtitiyaga.

Dahil ito nga ang unang beses ko magblog, hindi ko alam kung paano rin ito tapusin. Siguro ok na ung magpost ang ng picture, tulad nito...